Genesis bung khatah hnuoi le van Pathienin thu ringot hmanga a hung inumtir dan Mosien a ziek a. A thu hmanga iengkim inumtirtu le siemtu, Iengkim Lalpa le Pathien chu Hebrai mihai chun Elohim an ti a. Chu chu hnam tinin ei hmelhriet le tonhriet ang peiin hming tum tumin ei ko a. Ei pi le puhai khomin chuong ang chun an lo ko ve a, Khuonu, Chungkhuonu, Khawzing (Khuo+zing), Khawzangpa, Khuovang, Patuon/Pathien (Chatuon Pa) le a dang dangin. Trong bul suina tienga inthoka ei sui chun, thumal an hmang tak chu KHUO ti a nih (March, 2011 khan thusep KHUO KHUO KHUO ti umzie chipchier takin ka ziek a, a tiem nuom chun Keivom Diary-a inthoka tiem thei a nih). Zo tronga Baibul an inlet tran laia an chai tak khom God ti inletnaah ‘Khuovang’ am ‘Pathien’ hmang lem ding ti thu-ah a nih. A tawpah ‘Pathien’ ti hmang lem dingin an sukthluk a, ei hung hmang tah pei a nih.
Tuta ei hril tum tak chu Pathien aiawa Grikhaiin ‘Logos’ an lo hmang, Saptronga ‘Word’ ti-a an inlet, einiin ‘Thu’ tia ei inlet pei hi ngaituo chet chun a lo infuk nawzie le Pathien thu olsam taka hriet le man fuk el thei ding sukharsatu a nizie thu a nih. ‘WORD’ ti hi Pathien ngei chu mihriem intlanna dinga mihriem taksa puta Naupa hming chawia hnuoia a hung thu, tlanna sin zoa vana a kir nawk thu hrilna a nizie thu hril fie tumin Theulawzian inti tam takin an ziek a, trong bula inthoka sui rem tum pawl khom an tam. Chuonghai laia pakhat William Austin-in “Meditation for Christmas Day” ti chu inlet loin a hnuoia hin ka hung sie:
"The name Word is most excellently given to our Savior; for it expresses His nature in one, more than in any others. Therefore St. John, when he names the Person in the Trinity (1 John 5:7), chooses rather to call Him Word than Son; for word is a phrase more communicable than son. Son hath only reference to the Father that begot Him; but word may refer to him that conceives it; to him that speaks it; to that which is spoken by it; to the voice that it is clad in; and to the effects it raises in him that hears it. So Christ, as He is the Word, not only refers to His Father that begot Him, and from whom He comes forth, but to all the creatures that were made by Him; to the flesh that He took to clothe Him; and to the doctrine He brought and taught, and, which lives yet in the hearts of all them that obediently do hear it. He it is that is this Word; and any other, prophet or preacher, he is but a voice (Luke 3:4). Word is an inward conception of the mind; and voice is but a sign of intention. St. John was but a sign, a voice; not worthy to untie the shoe-latchet of this Word. Christ is the inner conception 'in the bosom of His Father;' and that is properly the Word. And yet the Word is the intention uttered forth, as well as conceived within; for Christ was no less the Word in the womb of the Virgin, or in the cradle of the manger, or on the altar of the cross, than he was in the beginning, 'in the bosom of his Father.' For as the intention departs not from the mind when the word is uttered, so Christ, proceeding from the Father by eternal generation, and after here by birth and incarnation, remains still in Him and with Him in essence; as the intention, which is conceived and born in the mind, remains still with it and in it, though the word be spoken. He is therefore rightly called the Word, both by His coming from, and yet remaining still in, the Father."
Eini rawi chen khom Pathien aiawa THU (WORD) zai hmanga khit khawm trawk trawk an tumna hrui bona chun an mi hnuk lut ve a, buoithlak tak a nih. A buoithlakna chu a Pathien kha THU ti bok, a bau suok le thupekhai chu THU ti bok hi a nih. A hming ding indai naw lei chu ni sien thu khat, chu chu ni bok si lo, thumal pakhat kawk pahni neia sie chu Pathiena pathum um (Trinity) tar lang an tumna leia an lo thaw a ni naw khomin thil khikhawk tak a nih. Hi ngaituona fepui tumtuhai lei am a ni ding kum 1600 AD hmaa Grik Manuscript-a um lo Johan lekhathon Pakhatna 5:7 chu King James Version (KJV) le a tehruoihai Baibul inleta hung chuong tlat, hrepuitu pathum “the Father, the Word and the Holy Ghost” (KJV) ti-a an ziek kha NRSV, ESV, NIV le tulaia inlet thar tam lema chun “The Spirit, and the water and the blood” tiin an sie thung a, WORD (THU) khah ‘tui’ tiin an thlak daih a nih.
Mihriem inkhina pangngaiah “A tirin Thu chu a um” ti hin Pathien nina a khik buoi a hoi. Solomon Thuvara varna thu a hril amanih, Joba 28-a a hril amanih vel hmathea hril nam el thei chi khom a hoi nawh. Pathien hmaah iengkhom a um hmasa thei nawh. Hienghai hi Pathien nina zierang (attributes) an ni chauh a nih. Hmar trong indik hmanga inlet chun A TIRIN KHUO A UM ti ding ni awm tak lem a nih. Chu KHUO, Pathien ngei chu Naupa hming chawiin, mihriem taksa putin, Pathien mi a nina zaa za, Mihriem nina zaa za putin Bethlehemah a hung pieng a, Kalvari-ah kros-ah an hemde a, a thi ngei a nih ti hrietna dingin fei zumin a nâkah an hang sun a, thisen le tui a hung inbaw suok huk a. Mihriem taksa puta hung pieng le chu taksa chu put zinga kros-ah thi a, phuma um a, tlanna sin thaw zoa thlarau le taksaa tho nawk a nizie le a tak ngeia hmutu a nizie a ziek a nih. Amiruokchu, Pathien nina Grik tronga a hrilna LOGOS chu Saptronga WORD ti-a an lo inletpek, ei nin THU ti-a ei lo inlet sawng hi a fuk chie nawzie a hmawr ei hung phor liet chauh a nih. Hi chen chauh khom hi a lem thei naw ei tang fur ka ring.
Zo hnathlak a tam lemin Lusei tronga an lo inlet dan zuiin THU ti trongkam hi ei hmang laiin Chin Hills-a Haka Baibul-a chun “A hramthok ah Bia a um, Bia chu Pathian sinah a um, Bia cu Pathian a si” tiin Johan 1:1 hi an inlet a, THU ti nekin BIA an hmang lem hlauh. Hieng ang deuh hin, eini khomin, “A tirin KHUO a um, Khuo chu Pathien kuomah a um, Khuo chu Pathien a nih” tiin sie ve inla, ei sumphukah Bethlehem le Kalvari ei intrumtir ning a tih.
(December 21, 2019; Delhi)
###
No comments :
Post a Comment