Search


Jan 27, 2021

Biehla


December 20, 2020 khan Delhi tlangah Sinlung Academy of Letters (SAL) hminga buotsai le sut, phek 400 dong (Hmar 200, English 200), a hming BIETHU ti chuh tlangzar a ni a. Kum tin literechar tling lekhabu pakhat bek insuo tum hi SAL tumtar (target) a ni leiin BIETHU-2 a ding khom lak khawm tran nghal dinga ti a nih. Chu prawzek le a ruola buotsai dinga lungrila phan chu BIEHLA a nih.

Jan 15, 2021

Ngailai Lungdi Zamuol Liem Hnung


Delhi, December 10, 2020 Ningani. Ka sawl tongkhong kha thingthu bong ang topa inhlumin ka lo in innghil a. Ka hang thrang chun ka bulah Blessing Buhril a lo ngir a. Zing tieng sawnin, “I va hang tho inhma awm de!” ka ta. Ama chun, “Pu, zan tieng a la nih” tiin a mi don a. Ka sîra chun ka meng sung po po deuthawa duot taka a lu ka tuoipek hlak, kan nu Dari chu a awm sunga khaksaw, a thuok hnawdetu kara chun harsa takin a’n thuok hlĕp hlêp a. Blessing kuomah, “Ei khawl thara khan oxygen pek ding hung siem la, a thuok olsamna dingin peng ei tih” ka ta. A hung siem vat vat a, a lu dom changa inhoiti taka boruok a hip lai chun a liem riei riei a, kan pek zo chun a um ta nawh! Inhnikti taka naute nene ne laiin nene pet zing puma thlamuong taka a insan anga kan hmu leiin, not har kan tum a, sienkhom chatuon in tieng a mi lo inlawisan ta si! A hun zan dar 9:30 (IST). Sekhon khat khom chel theina kan nei nawh. Hamhai takin kan inen a, chu bâk chu thaw thei kan nei nawh.

Dec 30, 2020

Zoom Meeting on Dari


DECEMBER 30, 2020 (1830-1930 HRS)

THU HAWNNA

Vawiin December 30, 2020-a ka nupui duhtak Dari, kum 58 chhung kawppui atana LALPA min pek, December 10, 2020 zan 9:30-a Delhi tlang atranga a thlarau petu Pathian hnena thlamuang taka kir leh ta puala Zoram khawvel hmun hrang hranga mi, ama duhsaktuten a chanchin sawia inkawm hona prokram an ruahman hi Lalpa remruat ngei niin ka hria a, ka lawm takzet a ni. Lalpa chu fakin awm rawh se.

Nov 27, 2020

Thangngur le Kristmas*


Kristien khawvel, abikin khawthlang ram, Europe le America khawmuolpuia inthokin kristmas hla a pieng rawn hle a. Chuonghai laia hriet hlaw bik, ‘Handel’s Messiah’ ti hming put, Hallelujah Chorus-a tawp hi a vawrtawpa ngai a ni ka ring.[1] Anni rawi hmangin, vai hnung ramah eini lai Gospel a hung tlung ve a, sawt naw te sungin kristien sakhuo-ah ei inlet tah puk a. Ei suotlang thara ei intranna chu Sinlung ni ta loin Bethlehem a hung ni tah daih leiin, a chawina tuoltro hla, a hnunga ‘Lengkhawm Hla’ ei hung ti pei chuh tam tak a hung suok a. Chuonghai laia mi chu ‘Kristmas Hla’ ei tihai hi an nih. Sulsutu inlar bikhai chu Thangngur, Kamlal, Patea, Taisen, Kappu le mi dang dang an nih. A hnunga hla pawla sak chi kristmas hla phuok rawn tak, a hlaa Zoram khawvel kum tam rûntu le awitleitu, ‘ṬHALAITE HLA BU’ buotsaitu chu Rokunga (1914-69) a nih. Anni rawi thrang lo chun kristmas hunah seramu ei thŭr thei ta nawh.

Nov 13, 2020

Mit Thar


 “Taksa khawnvar chu mit a nih. I mit thra chun
i taksa pumin var suok a tih. I mit a thra naw ruok
chun i pumin inthima tih. I sunga var chu thim a ni
chun, chu thim chu a va hang să awm de aw!”
- Isu Krista (Mat 6:22-23)

Bessing Buhril-in zun thlum tieng daktor thiem inhmupui ding a mi zongpek leh Vaishali-a Max Super Speciality Hospital-a Dr. Aishwarya Krishnamurthy-in November 3, 2020 (1130 hrs) ah inhmuna hun a hung ruot a. Delhi le a se velah tam tak hieng ang hospital hi an neia chuh diabetic doctor inhmupui ding chun thla thuma inthoka thla ruk vel nghak a ngai. Kum 2015 khan Rev. Hrilrokhum naunu Dr. Janet L. Stephens, Specialist, Swami Dayanand Hospital-a thok ka pan leh zun thlum ka nei ti a mi hril a, insulin inkap loa khawsakpui theina ding damdawi mi ziekpek dingin ka ngĕn a. Chuonga thawin, du du fa zing a, ngei naw ding zawng ruok chu tawk insumin, kum nga zet ka lo pal tlang ta a. Zun thlum ka nei ti hih a hrehai khomin an awi rak naw a hoi, a san chu a symptom nia an hril tam tak hi ka nei ve naw tlat bakah ka sinah a mi sukbahla nawh.

Oct 10, 2020

Takchapa!


Thou shalt love the Lord thy God
With all thine heart and with all thy soul,
And with all thy might.
- Deuteronomy 6:5

Hi thupui hi hmanga thusep ziek ka tumna a sawt ta a, ziek hman loin ka la um zing a. Hmar trong le Saptronga thusep ka ziek tah le Dr. David Buhril ziek, literechar huonga hlu lut tlaka kan ngai threnkhat, phek 400 vel dong ding lak khawm le editing sinah hun iemani chen hi kan buoi leiin thil dang buoipuina ding hun a tlawm a, ka piengcham thucha ziek khom sunzom el loa ka la sie hre lai hun a ni a. Sienkhom Japhet Tuolorin, “Pu Keivom hin Takchapa ti hi tulai thralaihai hriet thiem zawngin mi hung hrilfie pek sien nuom a um...trong tlanglawnin” a hung ti leiin, ka hung ziek hrăm a nih.

Sep 19, 2020

Saptrong Vs Sap Trong


Monosyllabic Vs. Polysyllabic

Thumal ziek kop le kop lo thu-a monosyllabic language zierangin a zui tak chu a hrana ziek vong a nih. Chu chu Golden Rule No. 1 a nih. A san bul tak chu trong mal khat chauh ni si, ei thlŭk dan le hmang dan zira kawk hrang hrang nei trong a ni lei a nih. Asia rama khawsa, Mongoloid chibil (race) hai chǐng suok a nih. Ieng varna le themthiemna am hmangin an hung ser suok ni’ng a ta? ti hih tu khomin an la sui suok phak naw khom a ni el thei; kei chun ka la tiem fuk ve nawh. Trong inbula ngai Mandarin hi Chinese hai trong bul le tuolleng tak ni-a ngai a ni a, mal tin hin lim a nei a, chu chu ‘character’ (limrang) an ti a, hawrop (alphabet) hmanga ziek a ni ve nawh. Trong mal tinin limrang (character) a nei leiin, newspaper tiem thiem phuor ding chun limrang 3000 bek hriet a ngai niin an hril. An mi larhai hming Roman alfabeta an ziek khomin mal tin an ziek hrang: Mao Tse-tung, Chou En-Lai, Deng Xiao-ping, Hu Yao-bang, Liu Shao-qi, Chiang Kai-shek, Xi Jin-ping. Hieng anga ziek chun ka hming khom Lal Thla Muong Kei-vom ti ning a tih. Sak Zorama cheng unauhai, abikin G Group threnkhat chun an thaw vena kum paro a ni tah. Hming chu ziek zom ding ti pawl ruok chun a thuphung indik lei ringota zui chuong loin, polysyllabic-hai thaw dan an zui lem. Chu chu trong hung inser tung peia thil khikhawk chu a nih. Hi lei hin hnam tinin trong thuah grammar dan bawsieta hmang an ngaihnathiem chang a um a, chu chu Saptronga ‘exception’ an ti hi a nih.

Sep 14, 2020

Keima Kalhmang Ve


All you have to do is write one true sentence.
Write the truest sentence that you know.
-Ernest Hemingway

Mihring kan inang lo. Inang tura siam pawh kan ni lo. DNA hrang veka duan kan ni. Kan chemkal dan pawh a inrual lo. Hmel leh pianhmang inang chiah pakhat mah kan awm lo. Mimal taka zalenna chanvo hmang tura lo piang ṭheuh erawh kan ni. A takah erawh chuan, Jean- Jacque Rousseau (1712-1778)- an, “Man is born free, and everywhere is in chains” tih-a a lo sawi angin, kan khawsakna khawvel mitmei ṭheuh vĕnna avangin, ziaktu hrang hrang kam chim dan a inang lo thei hle ang tih chu sawi tam pawh a ngai lo. Chumi boruak chuan ziakmite dinhmun awm dan tlangpui chu a hril awm e.

Aug 22, 2020

Piengcham Thucha-5


Parbung Chapter hmawr Part 1-ah ei phor thuok a, sienkhom ei titina kara tla zep lo thei lo, Imphal khawzawla kum li zet thiemna tienga thangsuo tonlairang ton ve tuma Thiemthainu buonnel rama keini Sinlung tlangval ruol ramsuok chanchin le sahrâng lu pâr bûnga kan hung hawn ve lai bung le châng tlawmte bek ruoltharhaiin an hriet ve nuomna leiin, Parbung pan el loin, ei la hang ‘gawp’ khaw muong met a, ei ngai thiem tlang ka beisei. Tuhin chuh thingtlang lam ni loa Silchar tieng vuongnain vuong thla a, Lakhipur (Hmarkhawlien) ah motorin fe tung a, chu taka inthokin longin Tuiruong dung hrût a, Kangrengdawr-ah kai a, kelawngin Kangreng khuo pan tung a, chu taka inthok chun Vangai tlang hrut phei a, lampuia um Phulpuia Pastor Thangngur thlanah biekzin a, chu zoah Patpuihmun pal tlang a, Tuiruonga Taithu kai tieng lǐm thla a, chutaka inthoka kai tung nawk trĕng trêng a, Taithu khuoa inthokin lam zalah phei a, Parbung zuon a nih.

Aug 14, 2020

Apostrophe (‘)


Aposhtrophe hi eini trongin a um ve naw leiin eini awphawia lamin, “Apawstrawfi” ei ti ve el a nih. Hmar tronga thu ei hril pha, thumala hawrop a thren ei bawkan chang a um a, zieka ei sie pha leh hawrop mal bawkan sinsiena dingin chun apawstrawfi hi ei hmang hlak. Saptronga ruok chu hmangna tam tak a um. Chuonghai laia pomaw bik pathum chu (a) neitu nina hriltu; (b) thu keitawina hriltu; (c) pakhat neka tam plural hriltu a nina chu a nih.