Search


Jan 5, 2019

Lalnghorlien le Kei


May 21, 2009-a muol liem tah Dr. Lalnghorlien ka ngaituo suok changa mi thrâmtu chu kansar nunrawngzie a nih. Kan nupain Dr. Lalzakung leh Sielmat khelzawl bula a inah kan hang kan bakah Guwahati tieng inenkola a naunu kuoma a um lai kan kán bok a. A natna a rik hle a, sun-zan zoma chawl loa a sè ngat ngat a ni leiin, khâng khopa pa nghet le mar thra ni hlak khah, a rŭ khât chauh a lo ni tah. Joba angin,

Jan 3, 2019

Lal Pieng Hun Parte


What's in a name? That which we call a rose
By any other word would smell as sweet.

- William Shakespeare

Kum 2018 Kristmas tuka sûng inkhawm kan hmang chu keiin ka thruoi a. Hla pakhat bêk sak hi kan thaw dan a ni leiin, ka rawihai chu hla hung thlang dingin ka ti a. HCFD Department of Music & Youth Affairs buotsaih THRALAI HLA BU (2010) a mi, No.199 chu an hung thlang a. Hi hla hi Champhai Biel, Khawbung (South) suok, Patea hla phuok hmasa pawl, ‘Lal pieng hun parte a vul nawk tah’ ti, Bethlehem ngaina thu lunginno taka a’n zawtna a nih. Kan sak hmain ka rawihai chu ahmatiemin ka’n tiemtir a, a umzie ni-a an ngai le hriet dan ka’n don bok a.

Dec 10, 2018

Sak Zorama Biekzinna - I


INBUOTSAINA
Kum 1990 January 26, India Republic Day niin kum li deuthaw India palai sin ka thawna Rangoon ka suoksan a. Kum 26 lai diktetor Gen. Ne Win-in a sop ziel hnunga ama thua sipai hratna hmanga thuneina kum 1962-a a lak kha ama thu bokin 1988 khan inthla tah dinga thutlukna a siema inthokin mipui rorelna indin thar nawk nuomin thla li lai mipuiin lam an hraw mup mup a, buoinain a ram phêkin a chǐm a. A tawpah August 8, 1988 (8.8.88) khan sipaiin thuneina an hung lak nawk a. State Law & Order Restoration Council (SLORC) intiin rorelna an kengkaw a, trap le harawtin a ram phêk a tuom a. Tam takin hringna an chăn a, a tlan suok thei thei himna zongin ram dangah an tlan lut a. India rama khom Mizoram le Manipur ramri bulah refugee camp indin a ni a. Chuonghai laia tam tak chu Delhi-ah thon thlain, United Nations High Commissioner for Refugees (UNHCR) hnuoiah an khawsa phot a, chu taka inthok chun thlang ram, abikin USA le Canada-ah an lut a nih.

Sep 6, 2018

Pakhat Ek Che, Lawm Ek Che


(Letter to the Hmasawnna Thar Editor)


Hmar trong indik le indik naw thuah huoisen tak taka mani ngaidan thudik anga hril pop pop ngam ei pung pei a hoi a, ei hmasawn dan hi a dangdai khop el. Kawmiti inzauma ngai hminga thu ziek insuo lem chu mimal aiaw a ni tak naw leiin, pipu thuvara “mi pakhat êk che lawm êk che” an ti char hi a ni thei a, mimal mong hlim el a ni naw leiin poi a tawk dan a danglam. Pawl inzauma inngaihai chun ching tam chi a ni naw el thei. Voi khat muolpho a huntawk.

Aug 31, 2018

Hmar Trong Ni Lo Hmar Trong Indika Puong


(Letter to the HT Editor)


August 21, 2018-a Bible Society of India Baibul sut le inzoma HT fethlenga Lalramhlun,  Zote Veng, Rengkai zawna indon 6 le August 28, 2018-a Secretary, Hmar Bible Translation Committee donna kha point thum chauh hang tuihni ve met inla.

Aug 25, 2018

Thàwpui Vs. Tháwpui


2 Korinth 1:1-2 a Tirko Paula thrahnemngaina thukhawchang ei sermon suol tluka châng dang ei sermon suol rawn hi a tam naw el thei. A kaikuongpa chu atira ei lo inlet dan a fel hlel lei le thu mal ei lam rik dan khuongruol naw lei niin a’n lang. Ziek dan inthuhmun chie, lam rîk dan inang naw leia umzie hrang hrang nei a tam a, chu chu Mongoloid Group trong, mono syllabic & phonetic language zierang a nih. Entirnan, thrangthar chu hril lo, puitling kum 40-50 chuong tah khoma ei lam indik ta lo chu ‘hung’ ti hi a nih. Lam inhnuoia, ‘hùng’ ti-a ei lam chun intirna trongkam a ni a; insanga ‘húng’ ti-a ei lam ruok chun infielna amanih inngĕnna trongkam a ni thung. “Bu hùng fa rawh” ei ti chun khawlai amanih bu fa ding le bu fa saa hung dinga ei hrilna a nih. “Bu húng fa rawh” ei ti chun bu fa dinga ei fielna/hrilna a nih. “Lekhabu hùng la rawh” ti le “Lekhabu húng la rawh” ti chu a suka thlŭk le a tunga thlŭk mei mei thil ni loin umzie hrang daih nei an nih. A hmasa hi hmun danga um lekhabu hùng chawi dinga hrilna a ni a, a nuhnung hi a hriltu kuoma inthoka lekhabu húng la dinga hrilna a nih. Chu chu thu ei chai ding le inzoma a khulang khangna dinga ei hang hril hmasa a nih.

Aug 3, 2018

Trong Hmasawn Dan


Afghanistan ramri-a inthoka Thailand- Burma ramri bul chen hi British India hnuoia a ramper, km biel 4,903,312 (1,893,179 sq.miles) a lien, intiem hmasa tak 1881 khoma mihriem maktaduoi (mtd) 256 umna, Kumpinu lallukhum cheimawitu lunghlu tam tak laia a varparh a nih. Trong hrang hrang inhmang tah, hrangchat lai mek le thi hmin hman tah ieng zat am a um ti hriet nuomin kum 1891-1928 sung khan beipui thlakin thlithlaina (survey) an nei a, trong (language) 364 le trong tesep (dialects) tam tak an rikawt a. Chuong an lak khawmhai chu Linguistic Survey of India ti bu hming putin Volume 11 (XI) a hung suok a. Zo hnathlakhai po po, Meitei khom jel sain, Volume III, Part III-ah, Tibeto-Burman Family: Kuki-Chin & Burma Groups ti hnuoiah an mi khum a. Hi lekhabu hi Zo hnathlakhai chanchin le tu laia ei ram delhai ei hung hluo hma le hnung chanchin ei hril ni khuoa săm makmaw laia pakhat a nih. Hi lekhabu hi ro hlu, Old Kuki hnuoia hnam hming hrang hrang an siehai laia naupang tak,‘Hmar’ ti hming le ‘Hmar trong’ ziek ngeia a hung inlangna hmasa tak a nih.

Jul 28, 2018

Trongkam Ser Thar Threnkhat


Ei rama Kristien sakhuo a hung lut hma le hnunga ei thu le hla hmelhmang hang insiem tung dan le inthlak danglam nasatzie a hrana suina lekhabu um sien chu lekhabu hlu le ngainuomum tawp ni ngei a tih. Trongkam tin hi ei ngaituona le khawsakna leilunga inthoka hung tro suok a nih. Trong hi Pathienin ‘um raw se’ ti formula hmanga olsam ronga a pek ni awm ziezanga hril dam ei um hih ei mawlhuoi lei a ni naw leh ei trong ngaithlatuhai mawlchona remchanga laa ei nuomna tieng tienga her kawi dinga indawi vetna hmangruoa hmang tumhai dawha kherna a ni thei. Trongkam tin hi mihriem hmanga ser suok vong, ei tonhriet lengkhawmna a nih. Ei phak insangna muol muolah ei thu le hla hril suokna ding trongkam ei ser rawn el a nih.

Jul 18, 2018

Pherzawl and I


There are some places in the world that lie on the path frequented by the march of history. Likewise, I believe Pherzawl is one of them. Another example is Bethlehem in the Judean hills where I set foot on 28 September, 1993 during my ten-day pilgrimage to the Holy Land. While Pherzawl is my birth place and secularly my Second Sinlung after the mythical one believably lying somewhere in China, Bethlehem has become my religious Sinlung. The twin converges in me and formed my secular and religious identities.

Jun 14, 2018

Dabar, Logos, Thu


Hebrai Baibula thu mal ‘dabar’ chu Grik trongin ‘logos/rhema’ tiin an inlet a, chu chu Saptrongin ‘Word’ tiin an inlet a, einiin ‘Thu’ tiin ei inlet ve a. ‘Lalpa thu’ ti le ‘Lalpan a tih/hril’ ti hi Thuthlung Hlui lekhabuah hmu ding a tam hle. Pathien thusuok dongtu le hril sawngtuhai chu Pathien le inhnai le inzawl bika ngai ‘zawlneihai’ an nih. ‘Dabar’ ti thu mal hi Saptronga Baibul an inleta chun umzie hrang hrang putin voi sang neka tam Thuthlung Hluia hin ei hmu a; entirnan, New American Standard Bible (NASB) ah voi 1400 chuong daih a um.