Search


Jun 14, 2018

Dabar, Logos, Thu


Hebrai Baibula thu mal ‘dabar’ chu Grik trongin ‘logos/rhema’ tiin an inlet a, chu chu Saptrongin ‘Word’ tiin an inlet a, einiin ‘Thu’ tiin ei inlet ve a. ‘Lalpa thu’ ti le ‘Lalpan a tih/hril’ ti hi Thuthlung Hlui lekhabuah hmu ding a tam hle. Pathien thusuok dongtu le hril sawngtuhai chu Pathien le inhnai le inzawl bika ngai ‘zawlneihai’ an nih. ‘Dabar’ ti thu mal hi Saptronga Baibul an inleta chun umzie hrang hrang putin voi sang neka tam Thuthlung Hluia hin ei hmu a; entirnan, New American Standard Bible (NASB) ah voi 1400 chuong daih a um.

Jun 9, 2018

Tisa le Taksa (Sarx)


Thuthlung Thara hin Hebrai tronga ‘basar’ an ti, Grik tronga ‘sarx’ ti-a an inlet, eini rawiin ‘tisa/taksa’ ti-a inpol nuoia ei inlet hi voi 147 chuong a um a, chuong laia voi 91 chu Paula lekhathona hai ei hmuh. A hmang inrim el khom ni loin, umzie thrienga a hmangna a um lei le Saptronga inlettu tam takin KJV-a an trong hmang “flesh” chuh rem le rem loa hmang tum pawl an um leiin insêlna a suktam a. Thuthlung Thar innghatna ban poimawhai laia pakhat a ni si leiin, ngaiven a hlaw naw thei nawh. Zo hnathlakhai lai hin tisa le taksa indanglamna thlier loa taksa ti vonga inlet le hmang ei tam lem ka ring a, a poi khop el.

Jun 2, 2018

Martar Ni 28-na


Kum 1989-a Hmarkhawliena HPC (D) inkhawmpui chun May 16 hi ram le hnam ta dinga hringna chânhai inzăna, hrietzingna le chawimawina ni-a kum tin umni khama inser dingin a rêl a. 1990 khan HPC (D) sungah, 1991-a inthokin a hnam puma inser tran a ni a, kum 2018 hi a voi 28-na le hmun khata a nawlpuia inserna hmasa tak le khuolliena Mizoram sorkar aiaw-a Home Minister a hung thrang remchangna hmasa tak, Zoram khawvela mellung thar a ngirna ni le Zo hnathlakhai kalchawinaa bung thar ei hong ni a nih.

May 27, 2018

Sam Inlet Hautakzie


February, 2004 khan Thuthlung Thar, Sam & Thuvarhai inkop, a hnunga Delhi Version ti-a hriet lar ni tah hi a hung suok a. Inletna le endiknain kum hni a lak a. Hun ka sĕng rawnna tak chu Sam, kum sangkhat le zanga vel sunga Israelhaiin Pathien inpakna hla an sak hlak tam tak laia hla 150 chauh an thlang suok chu a nih.

May 11, 2018

Mani Inthat


June 13, 2015 Inrinni sun dar 12-1800 hrs khan VETC Auditorium, Rengkai a Sinlung Academy of Letters (SAL) huoihot Seminar hmasa tak chu kan hmang a. Hi seminar hming  tak chu THANGNGUR MEMORIAL LECTURES ti a ni a, a thupuiah TRANSLATION & BIBLE ti a nih. A hnungin Tuithraphai sung ringota khom voi thum sunzom a ni ta a, la ni pei a tih.

May 5, 2018

Ruolpa Kaihau le a Baibul


April 30, 2018 Inrinni kha ni poimaw, thla âr kâi zăn, Buddha sakhuo zuitu ram tam takin Gautama Siddharta piengna ni-a an inser, Buddha Purnima an ti, India sorkar khoma umni kham hiela an ser a nih. Chawhnung dar thumah Apostles’ Methodist Church, R.K.Puram Sector-4 ah prokram poimaw a um leiin, ina ngaina taka mi hung kantu HCFD Nuhmei Pawlhai chu nuom ang khoma inpawlpui hman loin sunbu ka fakpui sok sok a, a hun taka prokram nang hman tumin dar hni le a chenve-ah ka suok a. Hi prokram hi March 14, 2018-a muol liem tah, ka ruolpa Kaihau Vaiphei inlet le sut Vaiphei Holy Bible thar tlangzarna hun ser a nuhmei Pi Nemzakim Vaiphei le Delhi-a cheng a nauhai, mohai, tu le tehai le sung le kuo hnaivai haiin an buotsai, mellung poimaw chu a nih.

Feb 14, 2018

My Tryst with Bible Translation


The Bible is God’s Word given in
human words at specific times in history.
- Gordon D. Fee & Mark L. Strauss

I retired from Foreign Service in 2002 after serving the Government of India for 35 years. It’s a long and tortuous journey from my nomadic village Pherzawl in south-west Manipur to a glittering diplomatic society where one has to hobnob with heads of states and governments and celebrities in the world stage as demanded by the nature of our assignment. It’s a huge responsibility as well as a great fun providing endless opportunities to learn, from various encounters with diverse culture and civilisation across the globe.

Feb 3, 2018

Kawk Bo Trongkam


I believe in the magic and authority of words.
- René Char

Kum 2002-a ka penson chara Baibul inleta inbûr ngat ngat dinga hma ka lak hmain sukfel hmasak makmawa ka ngai thil iemani zat a um a. Saptronga Baibul an lo inlet tah 250 chuong hiel laia besan tlaka ngai dorzon khat vel thlang suok phot a, chuonghai laia pathum vel chu hmang tak dinga sawr bing nawk a, buoina a um phaa innghatna bika hmang ding pakhat nei a nih. Baibul bika mi tam takin a pikhawia an ngai, an trongkam hmang khom ni tin trong tuolleng le inpersan dai tah King James Version (KJV) le a tehruoi hai, a laihawl le khawvelin standat Saptrong an hmang le inzawla inlet New International Version (NIV) le a tehruoi hai, tulai trongkam hmanga hrilfiena le infawma inlet Goodnews Bible (Today’s English Version-TEV) le a tehruoihai chu ka khon khawm bakah commentary thra bika ngai softwares-hai chu sum tam tak sengin ka lam khawm a.

Jan 6, 2018

2017 Thlirletna


We are made wise not by the recollection of our past,
but by the responsibility for our future.

- G.B. Shaw

A thei phot chun kum tin Tuolbuol chawhma tieng hin kum liem tah sung po poa thil tlung inchik tlâka ka ngaihai tarlangna artikul ziek ka tum hrăm hrâm hlak a. Ziek ngeia chanchin sie an um a, zieka insuo an um bok a. A hmasa le nuhnung poimaw dan hi inang de sien khom, sim le hmar ang charh a la hung ni thei. Zieka insuotu chun a thu ziek tiemtu taphothai chuh a thu hretu le vongtu-ah a siem bakah a kawpi lo kol thrahai chun mi dang tam tak an intiemtir bakah a kawpi an kol thra pei chun, thrang la hung thar peihaiin a ziek lai huna an khawvel thlir theina tukverin an la hung hmang pei ding a na; upa deu deu a ta, a hlutna a pung zuol deu deu ding a nih. Zieka sie ringottu chun thu a ziekhai chu mi hriet le ngaithlak dinga a phor lang si naw chun a thi ruolin muol a liempui hlak.

Dec 28, 2017

Hniekhnung Sui (Tracing Footprints)


Lives of great men all remind us
We can make our lives sublime,
And, departing, leave behind us
Footprints on the sands of time.

- H.W. Longfellow

December 20, 2017, Pastor Thangngur thi champha voi- 74na le Sinlung Academy of Letters (SAL) piengcham voi-4na khan Delhi le Sielmatah ka lekhabu buotsai HMAR HLA SUINA (Hmar History, Culture & Literature) Sut Hnina, phek 408 a sa, Library Edition chu tlangzar a ni a. Hi lekhabu hi hla hmanga sir tina inthoka Hmar khawvel thlirna um sun a ni leiin, library changkang taka sie ding khoma inzapui um lo dinga international standard hawl phaka duong a nih. Eini rawi lekhabu insuo a tam lem hi ei inchawk thei tawk ding hisapa lekhapuon man tlawm chi, zing le zana tiem zoa dehawn el ding, chanchinbu sutnaa hmang hlak, tlawmtea inchawk thei dinga sorkarin sie (tax) an sukhnuoi, newsprint hmanga sut a ni tlangpui a. Hieng lei hin lekhabu changkang chu mihai nei thei ding chauh anga ngaina a um. Sura pelte lo syndrome mi khuopna hi sût a, mihai thaw thei le nei thei thil thra chu eini khomin ei nei ve thei ti a tak ngeia hriltu dinga tuta Hmar Hla Suina (Library Edition) hi sut a nih.